بنتى عندها اسبوع وجتلها

وبعدها دخلت المطبخ وانا ومازن اوضتنا وقولتله

حنان

انا مكسووفه اوي من شكل البنت يا مازن

دي لا طالعه شبهك ولا شبهي وجسمها كبير كمان

مازن

خلقة ربنا يا حنان وبعدين انتي هتكرهي بنتك ولا ايه

حنان

ايه اللي انت بتقوله ده اكره بنتي ازاي

—

يا مازن

بالعكس ده انا فرحانه بيها اوي دي حته مني

بس الناس كلامهم هيبقي سخيف

وهيتنمرو عليها وانا ما احبش حد يقول كلمه علي بنتي

مازن

ومين سمعك بس عادي الاطفال بتبقي مولوده بشكل وبتكبر بتبقي بشكل تاني المهم انها كويسه وصحتها كويسه

حنان

معاك حق المهم طيب عايزاك تقابل مصطفي جوز ناهد وتتكلم معاه وتخليه يجي يصالحها ويشوف ليه حل مع امه

مازن

والله من غير ما تقولي انا هعمل كده ابوكي الله يرحمه كان موصيني عليكي وعلي ناهد

وانا هعرف ازاي اخلي مصطفي يحافظ عليها ويخلي باله منها ويحترم نفسه هو وامه

دخلت في الوقت ده ناهد بعد ما خبطت علي الباب وقالت

ناهد

الاكل اهو يا حنون يلا بألف هنا وشفا علي قلبك

وفي شىقة حماتي قالت لشيماء پحده

الحما

شايفه تلاقيها دلوقتي قالت انك انتي عملتي ليها حاجه في الاكل

شيماء

ليه بس كده يو ماما هي قالت حاجه دلوقتي ما هي في حالها واحنا في حالنا

الحما

اومال يعني ما قالتش ليه ليكي تروحي تخدميها

شليها في فترة الحمل بتاعتها ليه كلمت اختها وقالتلها تيجي تخدمها

شيماء

براحتهم يا ماما طلعيهم من دماغك بقي وخلينا احنا كمان في حالنا

مش كفايه اللي حصلي وبصراحه اللي شوفته في جوازي الاول وطىلاقي ما اتمناااش حد يشووفه ابدا

الحما

عليا انا برضو ليه هو انا مش فااكره اللي عملتيه بس حنان اول ما اطىلقتي

ده انتي كنتي ديما تتخانقي معاها وتعملي مشاكل بينها وبين اخوكي

شيماء

الله واعلم وقتها نفسيتي كانت عامله ازاي يا مانا بس خلاص والله ندمت وعرفت ان الله حق كفايه بقر كل شويه تفكريني وتقطمي فيا

وسابتها وراحت اوضتها وبالليل كان قاعد مع مع جوز ناهد عاي القهوه وقاله

مازن

ينفع اللي امك بتعمله مع مراتك ده

هي ناهد قصرت معاك في حاجه يعني

مصطفي

ايوه قصرت وفي اهم حاجه انا عايز ابقي اب يا مازن وهي خلاص ما فيش امل فيها بربع جنيه ومش مخليااني امارس حقي واتجوز واخلف

مازن

ما هو حقها هي في واحده برضو هتوافق ان جوزها بتجوز عليها

مصطفي

ايوه في ظروفها في ستات كتير بتوافق ان جوزها يتجوز عليها وبعدين ما انت برضو عمرك ما هتحس بيا انت خلاص بقيت اب ومش هتحس بيا يا مازن ولا بالحرمان اللي حاسس بيه

مازن

وناهد زنبها ايه وبعدين لو هي واثقه في حبك ليها مش هتمانع انك تتجوز عليها لكن انت من غير اي حاحه وانت وامك مطلعين عينها

مصطفي

يا عم انت ما تعرفش ناهد دي خبيثه وقلبها اسود ومش مكمله معايا حبا فيا

دي مش عابزاني اتجوز واخلف عايزاني افضل كده زيها والدليل علي كلامي ده انها رااحت لدجالين عشان تخليني ما اتجوزش

مازن

ايه يا عم الكلام لغريب اللي انت بتقوله ده ازاي يعني بتروح لدجالين انت كلامك مش منطقي ناهد حرام عليك الافتري

مصطفي

والله العظيم بكلمك بجد راحت لدجال واتنين عشان تقفل نفسي من الجواز وكل ما اخطب واحده من غير سبب الموضوع يبوظ بسبب الحاجات اللي بتعملها دي

مازن

لا هي في الحته دي غلطااانه يا مصطفي وانت معاك حق ويا عم عايز تتجوز اتجوز بس اضمنلها حقها انك مش هتسيبها وانها هتفضل مراتك علي طول وانك مش هتفرق بينها وبين مراتك التانيه وانك لو خلفت حتت عيل مش هتسيبها

مصطفي

من غير ما اتجوز ولا اخلف انا خلاص تعبت من ناهد هي اكتر اختيار غلط اخدته في حياتي

انا هطىلقها وهطلعها بره حياتي خالص

مازن

براحتك بس انت اللي هتبقي خسران يا مصطفي

ناهد بنت ا فيش زيها وهتتجوز واحد احسن منك مليومن مره وهتشوف كلامي ده كويس

وبعدها

—

مازن جه البيت وقالي انا وناهد علي اللي قاله مصطفي

وعيطت ناهد وقالت

ما حصلش والله كدااب انا عمري ما روحت لدجالين ولا حتي فكرت اعمل كده

طيب ما كان من الاول عشان اخف واتعالج بدل التعب اللي انا فيه ده

حنان

ايوه هو كدااب يا مازن واحنا يعني مش شايفين ده ناهد ما بتفوتش فرض

وتعرف ربنا كويس اللهي يارب لا يشوف جواز ولا خلفه مدام بيفتري علي الناس كده

ناهد

بعد الشړ يا حنان انا ما اتمنااش ليه كده ابدا علي فكره والله مصطفي طيب وغلبان المشكله كلها في امه ده كلامها هي وهي اكيد اللي لعبت في دماغه عشان يقولك الكلام ده وتخليه كمان يطىلقني

مازن

يا ستي ولا تحطي في بالك ربنا ما بيجبش حاجه وحشه المهم ما تزعليش نفسك وان شاء الله ربنا يعوضك باللي احسن منه

وبعدها طىلق مصطفي ناهد فعلا ويوم السبوع جات حماتي عندي وقالتلي پحده

الحما

يعني اول حفيده ليا وما يتعملهاش سبوع اعوذ بالله منك يا شيخه علي طول كده منكده علينا فرحتنا

حنان

استغفر الله العظيم يارب ليه بس الكلام ده يا حماتي وبعدين ما حضرتك عارفه اللي حصل في ناهد تبقي هي مطىلقه وحزينه وانا افرح ببنتي واعمل سبوع وفرح والكلام ده

الحما

الله يرحم مش اختك دي اللي اتجوزت واتعملها فرح يوم ما بنتي اطىلقت ما كنتوش اصحاب اصول وقتها ليه ولغيتو الفرح